انشالله تحوز علي رضاكم
هايف الميلاف بالنّايف وحنّي
من خلاجه لاج ماله بالمكاني
له موارد لو مضاميه أبعدنّي
كم فجوجٍ باجها زمل الصخاني
تنعرف بيض اللّهود أليا سرنّي
يخلفنّ الوصف الأول وصف ثاني
كم جبا عدّ وردنّه وصدرنّي
مضمياتٍ مثل الأقواس الحواني
شيب أشابيبٍ مماشيهن تعنّي
مايجوب ادروبهن حشو القراني
حركن عرش الخفوق وهيضنّي
زين الأمثال الجزال من المعاني
من نسانيس الهواجيس أحضرنّي
فنّ أحاسيسٍ من السحر العماني
عن نواظر مدّعْ العرف أحجبنّي
العدو قبل الصديق اللّي يراني
آدمي روحٍ بجسم وفكر جنّي
بالبحار أسرار خلق ماخفاني
كم تدور اصدور أمور ماخفنّي
الطعم بالمستكا غير اللباني
أجهل اللّي مايعرف أسرار فنّي
المثايل للحكيم أقرب مكاني
ياحمد(1) لو تنشد الأيام عنّي
ماتصدق لو حكن لك عن زماني
دور حول أعطي الليالي ماعطنّي
بسّ أسرحهن وأضويهن بداني
كل مازادن من الربخ أفرحنّي
لا أختفا بجلودهن حبل البطاني
ياحمد ياكثر ماراحن وجنّي
والحصيل أكليل من شوك سعداني
والهواجيس العوابس داهمنّي
وصنعن لي حمل ياسٍ كبر أباني
وأن شربت من العزيمه زاد جنّي
والحكيم اللّي يحكمه ماقراني
الله اللّي زادني بالنقص منّي
في طريقٍ ضلّني مدري هداني
29-02-2004, 10:25 PM
العرض الشجري