البـــــورصه

[فلاح الذروه]

اول مشاركه لي واتمنى تحوز على رضاكم

محدٍ بميت يارفيقي من الجوع=ورزقي على الرزاق دقه وجله
وماهوب همي اخر اخبار الاسبوع=وصفحه اقتصاديه بوسط المجله
مره المؤشر تحت مرات مرفوع=وتحاتي الاسهم من ايات خله
هذاك مابعناه وهذاك مدفوع=وهذا المؤشر راح وانباع كله
صار الامل فالبورصه شبه مقطوع=وبتخسر اموالك وتاتيك عله
وتعيش طول العمر للناس متبوع=وسيف الفقر في وجهك اليوم سله
محدٍ دخل بالسوق ماراح مفجوع=واللي مضى خلــــه للايام خلــــــه
غلطة عمر واللي حصل شي مشروع=وسالك المبهم اببحث لحلــه
عليــــــــــــك ياقرمٍ عطى للزمن كــــــــوع=ماهوب يحسب للمخاسير لله
فقير مال وتاجر ارجال واربوع=حتي الكرم والطيب مايوم مله
لوكان مايملك سوى ثوب مرقوع=ابــشــر بعزك كان جيت بمحله
الجود بالماجود والشي مقنوع=سطــرة معاميــــــلٍ وبــــنٍ ودلـــه
شجاع بالموقف وللخوف ممنوع=وأليا زهمته من غثى جاك كله
وحيـــــد بالفزعات وايداحم اجموع=متواضع وشخصيته مستقلـــــه
مرات صاحي ..... لا ومرات مصدوع=واليا شكيته هم فالقلب شله
لـــــه كلمةٍ لاشــــار ولـــــه راي مسموع=ومنهو خذا رايه طريقه يدله
ماراح عمره بين شاري ومبيوع=ولايخـــــاوي شلــــــةٍ مـسـتـشـلـه
وحفظه لشرع الله فالقلب مطبوع=والله يضله يوم لا غير ضله
وانا ادري انه ماهوب بميت جوع=ورزقه على الرزاق دقه وجله
دينار في جيبك مشقق ومقطوع=اخيـــــر من دينار منـــــه المذله

وســـــــــــــــــــــلامتكــــــــــــــــــم