مـصـآفحهـ أولــىى .. الشوق عناني ..,

[غـاآزي آلـزيـن]

السلام عليكم ورحمة الله وبركاته

أعزائي أعضاء ورواد منتدى القدير الشامخ

منتدى قبيلتي العجمان

كم يسرني أنضمامي أليكم في هذي النخبه الرائعه

ومشاركتي فيه

وبعد ذلك أتشرف بتقديم هذي القصيده لكم

وكلي رجاء أن تحوز على القليل من الرضا منكم



......

الشوق عناني وأنا كنت مرتاح=
صوب الوليف اللي دياره بعيده

أمشي وأنا ماحولي مسرى ومسراح=
وأبكي وعيني ماعليها نقيده

ياويل حالي خافقي كله جراح=
أمسح همومي ياتي همن يزيده

ياليت خلي ثابتن عندي ماراح=
وياليت كلمة ليت تاتي مفيده

أسمع عظامي تشتكي جور وصياح=
وأدفن صداها لا يجي من يعيده

عقبك جفيت النوم وأنكرت الأفراح=
وعقبك نسى دمي يغذي وريده

وعقبك غدا موتي ما يحتاج لسلاح=
بعدك يكفي ياحياتي يبيده

مدري خطا مدري تسبب بالأصلاح=
ماتت ضنوني والمشاعر بليده

أول أحسب أن الغلا لعب مسباح=
هرج وسوالف مع بنيه جديده

لين أكتشفت القلب محصور برماح=
وكل طعنه فيه تاتي سديده

أثر الغلا يا صاحبي شي فضاح=
وأثر العلوم اللي تجي مو أكيده

عل وعسى ترجع وكل هم ينزاح =
ونعيش بأفراحن ماتحصى عديده

...


تحياتي

..