الجفـول اللـي توايـق علـى حــدب الضـلـوع للمبدع : ابن شويه

[نـاصـر]

قصيده أعجبتني وحبيت أشاركم فيها للشاعر المبدع والقادم بقوه :

مــطــلق بـن شــويه

على الرغم من أن الشاعر مطلق مقل بالنشر والظهور الأعلامي ألا أن قصائده أثبتت وجودها بالساحه الشعريه اللي أغلب شعارها وللأسف أنفرضوا علينا بشخوصهم دون نصونهم .

اخليكم مع مطلق

الجفـول اللـي توايـق علـى حــدب الضـلـوع=حـوّلـت بـيـن الحنـايـا .. وانــا خليـتـهـا
تـدلـه بقـفـر المفـالـي بقـلـب ٍ فـيـه روع=ومـن حذرهـا !! شـوف عينـي ليـا لديتـهـا ..
جـازي ٍ ترعـى السراجـيـف وتـفـز وتـفـوع=تستذيـر مـن الهبـايـب .. ومــن تنهيتـهـا !
إن تـوارت قـلـت : لبـيـه يالـغـرو الـفـروع=وإن تعالـت قـلـت : ياعـزّهـا .. ياصيتـهـا !!
الهـواويـه عـلـى بيتـهـا مـثـل الـجـمـوع=كنّهـم ( وِرِد ٍ علـى غـب ) .. والـمـاء بيتـهـا
مايـطـرّون إسمـهـا الا تسـابـقـه الـدمــوع=مــن عـيـون ٍ تطـلـب الـقـرب يابلفيـتـهـا
إن باقـي مـن رجاهـا عـلـى تـالـي السـبـوع=سـاعـة ٍ ماينـعـرف حيّـهـا مــن ميـتـهـا
أفطمتنـي عــن سـواهـا !! وخلتـنـي قـنـوع=مابعـد حبيـت لــي نـفـس مــن حبيتـهـا !!
يـاوجـودي والـوعـد ليـلـة ٍ قـبـل الـربـوع=كـل ٍ أمساهـا وأنــا سـاهـر ٍ مــا أمسيتـهـا
قلبهـا نــار ٍ تـواقـد .. وأصابعـهـا شـمـوع=تحتريـنـي فــي وعـدهـا وأنــا ماجيـتـهـا
إستماته !! خوف !! رهبه !! ضما !! تشتيت !! جوع=غيرهـا أشيـاء لـو أعـرف إسمـهـا سميتـهـا
الحظيـظ اللـي تهيّـت لـه الدنـيـا ب" طــوع "=دلّـهـا قبـلـي وأنـــا تـهــت مادليـتـهـا
كـل عمـري عشـت بـه .. ماعـدا ليلـة ربـوع=إبـتـدت ياليتـهـا .. وإنـتـهـت ياليـتـهـا !!

مطلق بن شويه