الوحــــــــــــ((مصافحة))ـــــــــــــــدة

[خالد محسن القرني]

السلام عليكم

مصافحة اولى

الفصيدة تحكي عن نفسها اتمنى ان تحوز على رضاكم

الوحدة الي شناها كل خلق الله=انا اشهد اني بها متونس وسالي
اسج معها واسلي القلب وادله=وادله الصدر لا ضاقت بي احوالي
ارحل عن الواقع الي خاطري مله=واضرب فجوج الخيال وينشرح بالي
ابعد عن اجموع ربعي واترك الشله=واهيم في عالمي وبجوي لحالي
ماغير ضوي وانا والليل والدله=وبراد شاهي ومسباحي ودسمالي
وبرد النسايم يكمل مجلس الفله=معادله تكتمل والفكر يصفالي
واتجي بنات الفكر ياحي ذا الطله=واتيه معها ويحلى الوقت لو طالي
اشيل بالصوت وابني بيت وافله=نوب اسولف لنفسي ونوب الالي
في جلسةٍ بامر ربي تشفي العله=وتجلى همومي بعون الواحد الوالي
اجلس لحالي ويمضي الوقت ماافطن له=اخير من جلسه اهل القيل والقالي
ناسٍ تخوض بحرام الهرج مع حله=ما عندها في الذنوب ولا هي تبالي
ان ما حصل مجلس اهل الدين والمله=والا فخير لي اجلس وحدي احلا لي

وسلامتكم