ضيــف الظــلام ... ؟

[(هاوي قصيد)]

مسا الخير

تكلمني ورى وحي الخيال وجوه المهجور = الاحيها تلاحيني تلاحيني والاحيها

غموضٍ سايدٍ فكري وانا الناصر وانا المنصور = وانا مانيب ماردها ولاني من عوانيها

تجيني مع ظلامٍ دامسٍ يسبق شعاع النور = ويفر الراس فرة من خذاها وابتلش فيها

تجالسني وتنشدني على ما الخاطر المكسور = وانا بأرض البسيطه بين بايعها وشاريها

ولكن مرحبا يالي تزيدين الشعور اشعور = مثل يشدي تراحيب إقحطانيها وياميها

الا يامنبع الشعر ولحونه من قديم إعصور = تزيدين ابجنون المنتهي يالين يعميها

مساكنك إبلادٍ مابها دستور يادستور = سوى صوت الهوى والله اعلم عن خوافيها

تساليني وانا ريقي عجز لا ياصل الحنجور = إلا جينا لحاضرها وإلا جينا لماضيها

حظوظٍ ماعرفها المجتهد والباحث الدكتور = تلقيني مقفاها وتعطيني علابيها

وانا قد جازلي بيتٍ وهو لشاعر المشهور = لـ عبدالله الهذيلي راعي القاف ومعانيها

نهاية يوم ذي الحجه بداية يوم من عاشور = مطلعها على قمة جبل وتهز رجليها

وانا مطلع حظوظي فالجبل واجرها بالدور = ولا قد همني ذيك الحظوظ ومن يراعيها

تزل شهور وتعيد الشهور وعاد باقي شهور = ارتلها لسامعها واوضحها لقاريها

وهذا يامنشدني على ما الخاطر المكسور = وإلا رحتي سلامي للبلاد ومن سكن فيها

وسلامتكم