يــــــــــــام

[المـــــــطـنوخ]

من سلايل يـــــام انا قوم لقياهم عنا = والعدو حن له فنا لي صفق جال بجال
ما خلق فينا جبان وان خلق مازد بان = نمضغه مثل اللبان والله ان موته حلأل
طفلنا يرقى سنود للورى ما هو يعود = سلم ربعه والجدود من عمامه والخوال
ما حن نحب الخطا لاسريع و لا بطا = جيدين بالعطا نشل عسرات الثقال
و من نونا في راده والله أن موته وطاه = راح لربوعه زكاه تحت حدبات السلال
يا عرب حن يــــــــام يصب كاسبين العز غصبا = روسنا للعز نصبا فوق هامات الجبال
ضيفنا لى جاء نعزه والشحم صوبه نلزه = وبالسوالف ما نحزه ونختالف بالدلال
من سمع قافي وشكك في كلامي ثم تلكك = يسأل الحكام والملك عن عهدنا والمقال
وعن عهود في الكتاب من نقض فيها يعاب = شايبين ولا شباب باقيات لاتزال
يـــــام موفين العهود والمراجل زود زود = جيدين بالعطا نشل عسرات الثقال
وبنتنا تسوى قبيله يوم كلا له حصيلة = مالها من العز ميله ولا بها قول و قال
ما نوت درب الغزل من قديمات الازل =الادب فيها نزل وقلبها للدين مال
بنت يـــــــام اللي تورات من عيون لها تبارت = فوق درب العز سارت دربها ماهو شمال
زوجها منا وفينا طير شلوى اللي ذهينا = صلب دمه من دمينا فاز منها بالزلال
ودي أكمل وصوفي غير خانتني حروفي = تزدحم في وسط جوفي كنه صايبها جفال
والعذر ليبه قصور في القصيده أو فتور = الهواجس بي تدور من جنوبي للشمال
وفي النهاية والختام صلوا وأثنوا بالسلام = مقصدي سيد الانـــام نورنا في كال حال