,
لـ قلوبكم جميعاً .. 
/
/
/
انتي .. لو انك دموع ٍ في عيون اليتيم=يشّح فيها لو يشوف الغبن والقهر
وشلون بالله في عيون العزيز الحشيم=اللي لو يموت سرّه للعرب ماظهر
ياغايبه من غيابك .. ضاق صدر الحليم=ضيقه وونّه وتنهيته ووجد وسهر
غبتي ولاعاد له غير الرسايل نديم=باقي اسبوعين ويكمل ( 12 شهر ) .. !
موادعك نار .. وضلوعه يباس وهشيم=نار ٍ لو تشب في صلب الحديد انصهر
ياغايبه .. كل ماهبت هبوب النسيم=عرّض خياله هبوب الذكريات وشهر
كتب بك الشعر واغراء به قلوب الحريم=اما غرف من بحر والا قطف من زهر
وينك ووين السعاده .. والزمان القديم=الحزن .. شوفيه في حال الغريب ادّهر
ينسى ويذكر وطعنات القدر في الصميم=ويرفع يدينه لرب البيت سر وجهر
يشتاق ويحّن لـ.. ايام الوصال ويهيم=ويدفع حياته لتحقيق الاماني مهر
في عيونه الحلم واقع والحقيقه سديم=تغيّرت عنده الايام بطن وظهر
لو ان للقرب حق وللمفارق غريم=ماكان صارت مرابع من يحبك دهر
أتمنـي تعجبكـم
" مشعـان البـراق "
29-10-2007, 12:07 AM
العرض الشجري