لعنبو ليلن يشح بصوتك الغالي وجده

[محمدالعمار]

يا وجـــــودي




يا وجودي وجد شايب في عياله ضاع كده = او وجودي وجد عاشق لا بكى موتة وليفه

ويا وجودي وجد من سافر بحر والريح ضده= طاح مجدافه وسلم للبحر ما هو بكيفه

وجد مظلوم(ن) بتهمة قاتل(ن) والحكم هده=راس ماله بس بنته واصبحت عقبه خفيفه

كل ما تطري على قلبي وتأثيرك يشده= يا سبب همي ببعدك يا بعد من شفت طيفه

ساكن(ن)حبك جدايل خافق(ن) بيحت سده = والشديد اللي تخبره اصبحت حاله كسيفه

عايش الحرمان يعني مستوي جزره ومده= فاقدك بالحيل يعني انت مطلوبه وريفه

لعنبو ليل(ن) يشح ابصوتك الغالي وجده= وش ابي به لا لفاني بالهموم وطعن سيفه

اشتكي بعدك لطيفك لين صافي الدمع هده = شوفني بكيت طيفك انتبه وامنع ذريفه

الجفا ما هو بقدي وان بغيت اكون قده= لا تبالغ به فديتك يا شتا عمري وصيفه

رحمة الله فوق خلقه باب ما عنا يسده= والجزا عنده تذكر لا دفق قلبي نزيفه

يا حقيقه صرت حلم(ن) وانعرف مزحه وجده=حالف(ن) قلب(ن)نكرته ما يجي بعدك خليفه

صادق(ن) من قال حرب النفس للانسان شده= لا فقد درب السلام وعيشة(ن)حلوه نظيفه