ردية بيني وبين خالي

[عـشـق بـدوي]

السلام عليكم ورحمة الله وبركاته
اليوم جايب لكم قصيده لخالي
وجايب ردي عليها
خالي يقول
( اربع سنين )
اربع سنين (ن) كنها ظرف ساعه
،،،،،،،،،،مرت ليـــــاليها علي كنها حلــــــــــوم
يا حلوها ويا زينهــــــــا ياجماعــه
،،،،،،،،،،لا حقد ولا غيره ولا احزان وهمــــــوم
ويا هنوفا (ن) طوعتني طواعـــه
،،،،،،،،،،وصارت هي الحاكم وانا صرت محكوم
حبيتها حب الشرف والقـناعــــــه
،،،،،،،،،،واخلصت في حبي ولا نيب مليـــــــوم
قصدي شريف ولا نويت القطاعه
،،،،،،،،،،وحافظ هواي بداخل الصدر مكتــــــوم
ادرى هوانا عن خبيث الاشاعـــه
،،،،،،،،،،والحب له شرع (ن) وله درب وسلـوم
واجب علي اني احفظ الوداعــه
،،،،،،،،،،لوكــان يلحقني مشاريـه وعلـــــــــوم
صابر على ظلم الزمن باستطاعه
،،،،،،،،،،لعيون سلطان الهوى شمعة القــــوم
عل وعسى لو يلتوي بي ذراعــه
،،،،،،،،،،واروي ظما قلب (ن) تعود على الصوم
انا اتمنى شوفتـــه واجتمــــاعــه
،،،،،،،،،،وهو بعد يبغـــى المواصــــل معي دوم
الكــــل منا لايــــع الحب لاعــــــه
،،،،،،،،،،احرق فؤاده وحرمه لــــــذة النــــــــوم
يــــاما ويــــاما جمعتنا الولاعـــــه
،،،،،،،،،،واليوم صار الوضع واضـــح ومفهــــــوم
حل الفـــراق اللي يروع رواعــــه
،،،،،،،،،،وغطى على نور القمر عــــج وغيـــــوم
واليوم الاسود طــار عنــه قناعـــه
،،،،،،،،،،،وشفت البشر كل البشر ضدي خصوم
والروح راحت يامحــــمد نزاعــــــه
،،،،،،،،،،،ومما بقلبي ماقدر اجلــس ولا اقــــوم
لا شك هذا حكــم رب الشفاعــــه
،،،،،،،،،،وما يكـــتـبه ربي مقــــدر ومقســـــوم
وسلامتكم ،،،،،
سعد بن حمد آل وبير العجمي
فقلت انا
ســــلام يــــارمــز الكرم والشجاعه
...........يــالــلـي بـعــد ربي لنا ظلال وغيوم
اســــــــمح لي اجاريك عبر الاذاعه
...........وابـادلــك بـهـمـومــك اللي لي هموم
صحبتك يا وجه ال(سعد)لي طماعه
...........افـــخــربهـا واماري الفرس والروم
ياصـــــاحبـــي طرد الهوى واتباعه
...........حـلو(ن) الامن صار واضح ومفهوم
امـــــا إلامــــن صـار كذب واشاعه
...........اعــرف تــراه يروح وانس انه يدوم
حــــبـــك شــرف وتقول حبك قناعه
..........وتــقــول انــا مــعــلق بحبه ومحكوم
والـحـب كـان يقول سمع(ن) وطاعه
..........وبــيــنــك وبين صويحبك دايم يحوم
وتقــول مـانــتــب ناوي(ن) للقطاعه
..........يــعـــنـي غريبه ينتهي وانت محروم
حــــرمــت خلك وانحرمت اجتماعه
..........والــلــوم مــاهــو لــك ولاهـو بمليوم
لا تــقــول عــنــه خـان والحب باعه
..........اكيد مجــبـــور بـــتـــقـــالــيـد وسلوم
يــعــنـي الفراق اسبابه اهل وجماعه
..........ردوك عــنـــه وصارو انداد وخصوم
هــذا هـــو الاجـــرام وهذي الشناعه
..........وهـــــــذا هو اللي يحرم عيونك النوم
بــدعي مــادام ان مالك أي استطاعه
..........على تحمل عيشتك وانــــــــت مهزوم
يــــارب تــجــمـــعهم ولو ربع ساعه
.........((وتروي ضما قلب تعود على الصوم ))
وسلامتكم،،،،،
اخيكم / محمد بن ظافر بن محمد الشامري العجمي
ارجو انها تحوز على رضاكم