إلي : خالد بن سعود إبن حثلين (وحصريا على منتدى العجمان)

[عبدالله بن باتل]

بسم الله الرحمن الرحيم

أخواني أعضاء منتدى العجمان وابناء القبــيله
لايخفى عليكم ان مزاين الابل في ام رقيبه على جائزة الملك المؤسس عبدالعزيز طيب الله ثراه
كسبت صدى كبير في المملكه وكذلك في مجلس التعاون الخليجي
وكله لم يتم الا بفضل صاحب السمو الملكي الامير مشعل بن عبدالعزيز
وخالد بن سعود بن حثلين من المشاركين في هذا المهرجان من ايامه الاولي
وبمشاركته كان يرفع الراس دائما وينومس بنى عمه في كسب الجوائز في المزاين
ويدافع دائما لرفع اسم القبيله فى الحفل الكبير بين كل قبائل الجزيره
وعلى قولة القايل القصيده اللي مالها سالفه مالها روح ..
وسالفة هالقصيده ان اخي :حسين بن باتل قال لي انت يا عبدالله تكتب شعر
وتشوف ابن عمك خالد بن حثلين في هالمزاين يرفع الراس وماتكتب فيه شي
وكتبت هالقصيده مشاركة مني له وهو ا قل ما يمكن ان نقدمه في حق من مثله وشرواه


(صلو على النبي)

ياالله ياقادر على كل مقدور=يامدبر الدنيا بلطفه وطيبه
تفرج لقلب(ن) من عنا الوقت ممرور=تخالطت فيه الامور الغريبه
والعبد لامنهي ولاهوب مامور=إلا ليا جا ماقف(ن) يحتمي به
وياحسين ماوالله تراني بمعذور=إن مااستمع للقول واوحي نديبه
أبمدح إللي بالمواجيب له دور=كف النداوي فاللوازم خضيبه
خالد ليا منه حدر كل حادور=ذيب(ن) على المشراف عاوي قنيبه
ماهوب دنع(ن) ياكل الناس بالزور= شيخ(ن) ولد شيخان مافيه ريبه
ابيه إبن حثلين يامولع النور= تاريخ والتاريخ عز(ن) وهيبه
والخال إبن دبلان وافي ومخبور= منين ياتيه الفشل والمعيبه
اهل الاصايل والاشده على الكور=يوم الجزيره بين نهب ونهيبه
الله يبيض وجه ابوفيصل بنور=عز(ن) لربعه يوم كل(ن) دريبه
لاجا المداحم بين وراد وصدور=نفسه على الطولات دايم قريبه
ياخذ لباب المجد ماياخذ قشور=حر(ن) شهر للصامله والهريبه
صيروم فعل وبين الفعل مشهور=يومن بعض الناس ياخذ نصيبه
قطاع..بتاع.. خطا كل مخطور=حاز المراجل مثل حوز الكتيبه
هواش..شواش(ن).. سنافي..ومسطور=زيزوم عز لمن لجا يعتزيبه
مايستمع للمخطيه من ورى السور=مطنوخ راسه ويتوطا حريبه
لاكبرت القاله وكثرو هل الشور=يحل كايدة الامور الصعيبه
قلته وانا اسمي بآخر الطرس ممهور=عبدالله الباتل ونظمي اجيبه

وسلامتكم

عبدالله بن فهد بن باتل