ياللي خذيتوا خفوقي وين رحتوا به + ردوه للي لمنه قام ما حتالي

[البليهي]

السلام عليكم



وبدون مقدمات ومع هذي المتواضعه





صلـــــــــــــوا على النبي

ياللي خذيتوا خفوقي وين رحتوا به=ردوه للي لمنه قام ماحتالي
ردوه للي ليا منه نوى التوبه=يهل دمعه على الخدين همالي
من كثر ماسالت دموعه على ثوبه=يجر صوته بعض الاحيان بالعالي
علي وليف(ن) قديم(ن) ضاعت دروبه=انا اشهد انه على ما قيل سلالي
اتلى العهد به نهار(ن) تكثر ذنوبه=نهار صكيت جواله وجوالي
واهديت له كلمه(ن) بالقلب مكتوبه=واهدى لي اغلى هديه يا بري حالي
كل(ن) خذا حقه وقسمه وماجوبه=من عقبها راح في دربه ولا جا لي
غلطه زمن ماهي بغلطات محسوبه=الوقت ظالم وبعض الناس عذالي
الشاهد الله حقوق القلب مسلوبه=من يوم قفى وشال اخطاه طوالي
كن الحنايا عليها نار مشبوبه=لهيبها يحرق الخفاق بالصالي
صارت حياتي عقب فرقاه مقلوبه=الحلو مر ومذاق المر جا حالي
لا والله الا سحرني رقه اسلوبه=لاماه لاما وهجرانه تملالي
يامل عين(ن) تروح وتلتفت صوبه=ترجي وصاله ولكن مابه وصالي
قفى وخلى المشاعر منه منكوبه=تلخبطت حسبه الاول مع التالي
ياسين يا قلبي اللي ضاع مطلوبه=اصبحت رجلي عقب ماكنت خيالي
منت الوحيد الذي جافاه محبوبه=عنتر وقيس الملوح قبلك ابطالي
يالله عسى دعوتي ما هيب محجوبه=ياربنا اللي كريم(ن) في السما العالي
انك تهنيه في زاده ومشروبه=وانك تصبر عيون(ن) دمعها سالي

وسلامتكم