شعاع الشمس في لحظه شروق بساحل الاشواق=عكس صورة هنوف بصفحة الماضي طويناها
خياليه ولا أروع صراحه تلفت الاعناق=سراب بوقتي الحالي وعيا القلب ينساها
ذكرت ايامنا الحلوه ولحظاتٍ لها مشتاق=ذكرت عيون تكتب لي من اللهفه وأقراها
رسايل حبرها سري ولايظهر على الاوراق=تناغم في مشاعرنا على الهمسه وزناها
ثملنا من كؤوس العشق هذا ديدن العشاق=ولكن في علاقتنا ثمل كاسه على فاها
اذا ما الليل جن ولحف الدنيا من الافاق=وكفي ما أميزها بطن ولاّ مقفاها
تراءا لي خياله ثم حثيت القدم والساق=سناوجهه عن العثره أخذ بيدي وقداها
وعشنا بعالمٍ ثاني حدوده مالها أطواق=ملك في مملكة حبه من الاحلام أنشاها
ومر اليوم تلو اليوم غصنا فالهوى أعماق=إلا أن زلزل عروش الهوى عاذل وسواها
دخل مابيننا بالبين مطلق صوته النعاق=وبدل ليلنا الحالم بكابوسٍ تغشاها
وكلٍ في طريقه راح يسكب دمعه الحراق=وزاده ذكرياتٍ رائعه من قبل عشناها
17-12-2007, 03:54 PM
العرض الشجري