اعزائى اداريين ومشرفين واعضاء ورواد هذا الكيان الذى مانلبث ان نبتعد عنه الا ونعود بكل مافينا من اشتياق وحنين لكم ولقصائدكم ولاابداعاتكم التى تتوج على عرش الجمال والجزاله الشعريه
اعتذر عن ابتعادى عن المشاركه لظروف سفرى خارج الدوله ...
اصافحكم (((( بغندرريه ))) واترك هذه المره لمن اكرمنى بمروره حريه التسميه ..
غـــــــنــــــــــدريـــــــه
يوم شفت الليل ويله لابس لون السواد=السواد اللى تغلغل فى مساء بيت القصيده
قمت والقيفان تشكى من صواديف البعاد=البعاد وسكة الاموات والعشق ومجيده
عشق بنت خصها اللى نعمته عمت بلاد=خصها من غير زين قبالها قد وجيده
لااقبلت بنت الاصايل والشعر مسك الحياد=تجبره ينسى علومه ويتغنى بالفريده
راويه من عز اهلها والجياد الها جواد=مهرته قافه عسفها واسرج السرج الوحيده
بنت قافى تدمج الارواح باسلوب العناد=العناد ورقة انثى واستباح العبد سيده
ان لفت شفت القوافى مسرفه والعطر ساد=وان صفت كنها السحاب وتقبل الديمه جهيده
وان بغيت اوصف دلعها صرت فى حالة جهاد=لانها يالعنبوها حلوه براس عنيده
وان طمع فيها خفوقى صار شى ((فرى باد ))=شى الله لايجيبه بس لاجانا نبيده
وان زهد منها خفوقى شكلت جيش اتحاد=لا وجيش مايعرف الحرب وفجوج مديده
وان بغيت ابعد ديارى والصقر عاف الهجاد=تذرف الدمعه وترسى فى موانيها البعيده
بنت فى العشرين لكن عيدها عندى عياد=لانها للعيد فرحه ولمتاهاتى فقيده
غندريه غندريه والحلا منها استفاد=شاعريه تقهر القمرى وتسهرها نديده
جعل تفداها منال ومى واطلالة سعاد=وجعلها فى قصر قلبى تقضى ايام سعيده
قالت اكتبلى قصيده بس فيها الابتعاد=لا وابى عنوانها اسمى واتصدرها الجريده
ياغرامى شاعرك مجنون منه الشعر فاد=فاد باجزل من جزال (ن) ترسم اطياف عديده
بس يالبى عيون كحلها فيه اعتماد=اعتماد انك اميرة شاعر شعره يزيده
بان جدانه لهم فى الحرب وقع واجتهاد=وان جده ينزع (العده) من الغاوين بايده
واخر اللحظات شفت الرمش واطراف السواد=السواد اللى تغلغل فى مساء بيت القصيده
وســـلامـــــتــــكـــم
العده بتشديد العين تعنى نزع الثار وعدم التنازل عنه[/poem
]
11-09-2004, 08:15 PM
العرض الشجري