قصيدة الأميره الشاعره :- نوره آل رشيد........(رحمها الله)

[طـيـر شـلـوى]

ابكي هلي اهل العلـوم المليحـة ،،، ولا لوم عيني لو جرى دمعهـا دم

اخواني ابكي والقصور الفليحـة=اخواني اللـي لابغـوا لازم تـم

ياما انتخوا باسمي ليا حل صيحـة=اليا انتخو بي كافر الجـن يسلـم

اسمي كما نجم(ن) ضرب قاع بيحة=أو الصواقع يوم للضلـع ترجـم

نورة أنا أخت الشيوخ الفليحـة=أبوي حاكم وأخوتي صفوة الجـم

ياحيف حايل فارقن ريح شيحـة=بذيك الشفايا تقل ماقيل لي سـم

محمد طلال اللي جـرح القريحـة=ناس(ن) بنا خانوا وناس(ن) بنا نـم

خانو بحايل كاسبيـن الفضيحـة=وأهل العمايم جعلهم فـي جهنـم

أهــل حايـل يدعـون النصيحـة=جهال بدو مـا تعـرف التيــمـم

لابد من صلف الهوى يزيل ريحـة=ومثلي يذوق لوعة الغبـن والغـم

يالعبد عقب العز كبدي جريحـة=حب الوطن يالعبد من عصـر آدم

ياعبد هذي من حكايا الفضيحـة=خل السهر لي وإنت يالعبد قم نـم

من أول ياعبد نأمرك تجيب الذبيحة=واليوم ياعصر الندم صرت لي عم

-----------------------------


رحم الله الاميره نوره الرشيد برحمته الواسعه ،،،


تحياتي للجميع ،،


_((طير شلوى))_