يازين الاحلام لو ماينكسر باسها للاسطوره متعب التركي

[قبلة العذارى]

السلام عليكم ورحمة الله وبركاته


واسعد الله اوقاتكم بكل خير


:

:

:


رائعه للاسطوره متعب التركي عسى الله يثبته ، اعجبتني وعسى ان تحوز على رضى ذائقتكم



صلوا على النبي ...

هب الهوى غرب واجتاح الضلوع وشعرت=إن الليالـي الجميلـة هــب نسناسـهـا
مدري كبر حلمنـا .. والابعينـي كبـرت؟=والاهي اوهـام ودي يصـدق إحساسهـا؟
تنسانـي أيـام وتجينـي متـى مـاذكـرت=اليا متى وانت روحـي حابـس أنفاسهـا؟
كنت أجمل احلام عمري .. بس ليه أنكسرت؟؟=يازيـن الاحـلام لـو ماينكسـر باسهـا!
بيديك مديت لي كـاس المحبـه.. وصـرت:=أنا اول اللـي يـذوق المـر مـن كاسهـا
من يومها وانت قدام عيني ولـو ماظهـرت=دايـم وعينـي تشوفـك بيـن جلاسـهـا
قدرت ولا على نفسـي معـك ماقـدرت=لازاد عنهـا غيـابـك زاد وسواسـهـا
لوشفت حال الورق والشعرعقبك عـذرت=اللي حـرق صفحـة الماضـي وكراسهـا
ماكنت اصدق يجي يوم ابتسـم لانظـرت=أطـلال ركـب الليالـي مـر ماداسـهـا
والاأنت لوقلت لي نادم وجيـت اعتـذرت=كان اجمل ابيات شعـري ينحنـي راسهـا
مافيـه داعـي توصينـي تـراي اعتبـرت=فرقاك ذكـرى وشعـري علـق اجراسهـا
يكفيني البارح إنـي فـي عيونـك سهـرت=وقفـت بيـن العيـون السـود وانعاسهـا
إن رحت ماأنت اول اللي راح..وان حضرت=قلـت الليـال الجميلـه هـب نسناسهـا

وسلملم