والله إن نهدر دما وإن تعيش الغاليّه..!!

[محمد المجول]

يافكر لاميتي دورها دفع البلا=ماهي بلحية ثقافه ولاهي ساليّه.
لوبغيت أجيبها جات ماسن مذهلا=يطمع إبها من طمح للنجوم العاليّه.
ماله إلا كف شاعر وحبره ماكلا=من يمين الذل يوم العرب متعاليّه.
إن بغيت أبقى تقي جن قافي وأعتلا=كل شيطان إبتلاني وباله باليّه.
إبتلا إن ماتلا وإن تلا لا مبتلا=كن علمه علمي وكن ماله ماليّه.
ضمها مضمونة القول وإفهم ماتلا=من أداب أهل الحديث ويقين أقواليّه.
ماني بصنف شعوب الوطن مهما علا=من صراخ ومن كلام العقول الخاليّه.
التسرع من عيوب الرجال الجهلا=يرمي الكلمه ولا يحتسب للتاليّه.
والتأني من سمات الرجال العقلا=تسمع الحكمه من أفواههم لو طاليّه.
ياكويت العز ياتاج راسي ياغلا=دونك أفني لك بشر مرخصن لك حاليّه.
قمت أرحب بالمنايا وأردد ياهلا=فدوتك ياغلا وطن حالي ومحتاليّه.
بس وقفه.. ياعرب. يابشر.. ياذاالملا=كلنا تحت الوطن سنه وملاليّه.
نخدم ونتبع شيوخ الوطن أهل الولا=من حضر وإلا بدو نقتحم لهواليّه.
ياعرب حنا وطن صرح عز إمكملا=من حدود ومن شيوخ وشعوب إمواليّه.
إن بغيتوها كذا مرحبا ثم مسهلا=نكبح جماح الشرار ونذب الصاليّه.
وإن بيغيوتها فِتن لا ولا مليون لا=والله إن نهدر دما وإن تعيش الغاليّه.
لافئه لافتنه ولا نفوس محملا=بالبغيضه والغضب خاويه متواليّه.
قلت قولن من محبن قبل لاأُسئلا=عن ولائي وإنتمائي وراسي عاليّه.
قلت أنا شخص وكويتي تعزوا بالملا=وطاحت بقوله جبالن بدت متعاليّه.