.....(((( ياسعود قلبي هواوي )))).....

[عايد العايد]

هذه مصافحتي الأولى .. عسى تحوز على رضاكم

البارحه مامسيت قلبي هواوي = سبة غزالٍ ساكن القلب ياسعود
لاجيت ابوصف قلت وصف المهاوي = اعيونها خرسه ورمشينها سود
ياسعود أنا جريت طرق الغناوي = سامرت ليلي والسماء برق ورعود
قالو لي هاوي قلت ماني بقاوي = أخذ وأدور من هوى الزين مردود
لوجيت أبشكي من هواهم شقاوي = مابيح سدي عند حاسد ومقرود
جيت الطبيب اللي علاجه يداوي = قال الطبيب اجروحكم مابها فود
رحت أشتكي لأهل الحكم والهقاوي = قالو تصبر الصبر خير محمود
قلت العيون اللي هدبها سحاوي = لعيونها بصبر على الهم والكود
ماهمني عذالنا والحكاوي = دام الهوى من عفته يطرب العود
ياسعود كان الزين فيني هواوي = قلت السهر لعيونه أسهود ومهود

وسلامتكم