السالفة ومافيها اني كنت مع اخوياي في الدوام وقمت ازين لهم دلة .... ويوم ركبتهآ على القز وخليتهآ تطبخ جاء واحدن مقرووود وبهرهآ ومشى وانا اشووف .... المهم ... خذيت لي شوي الا الثاني جاي وهو يوضع القهوة في الدلة وانا واقفن عندهآ .... المهم تقهووا اخوياي وبعد ماتقهوووا قلت لهم بيتين كالتآلي :
يآربعنا ركبت وقت العشي دلة @@@ نويت اثنيهآ واثولثهآ واروبعهآ
وثنيتهآ بالبن قد زان لي حــلة @@@ وخليت مطباخهآ يطبخ مواضعهآ
من شان ابو عيسى اليا جاته الخلة @@@ يقدع فوالتهآ ويشرب مرابعهآ
وساعة نويت البهآر وجيت بازله @@@ شفت الذي من شانه النفس رافعهآ
ياعلتن بالكبد وش زادني علة @@@ هذا يبهرهـــآ والاخر يوضعــهآ
خلو سلوم العرب والطيب والملة @@@ وقلت اسمعوا صحبتن في مصآنعهآ
مادام راسي سالمن ماحدن شلّه @@@ خلوني اسلى في حياتي واروبعهآ
وبعد ان قلت هالبيتين قاموا اخوياي وسلموا علي واعتذروا مني وقالوا ابشر بالحق ...
وسلامتكم جميع
04-03-2008, 02:44 AM
العرض الشجري