الله يعين الحال في كل الأحوال..

[محمد المجول]

ألا يابن عكشان طال السهر طال=ثلثين وقته أشتكي ظلم ليله
مره يجريني على عزف موال=ومره يطري لي جروحن عليله
وأنا سوات اللي قلب طار طبال=إمنين ماوجه يطقطق إطبيله
غريب وضع الوقت من حال لي حال=لازم نشوف إلوضع الأرصاد حيله
ياما تذرينا من الشمس بظلال=وياما نطحنا كل فوج وقبيله
ياما بكينا البعد من فوق الأطلال=وياما رفعنا النفس عن كل ميله
هذا زماني بين صاعد ونزال=مثل التداول في بنوك المسيله
مابين تغريب الليالي والأهوال=ومابين شيلات الحمول الثقيله
شح الظروف وضيقت الصدر والبال=تحيك كنك ميت غدرن وغيله
الله يعين الحال في كل الأحوال=هذي حياتي مثل برق المخيله
تبرق ولاحولي مطر يشرح البال=والأرض بحصه والخطاوي عليله