فلاح القرقاح وقصيدته في مزائن قحطان ((حن هل البل))

[فهيد بن سالم]

بـــســم الله الرحـــمــن الرحـــيم


السلام عليكم ورحمة الله وبركاته


مـــســـيـــكم بالــخــيـر ,



بــدون مقــدمـات القصيده تقدم نفسها ,

البل عطايا مـن الرحمـن=في محكم القـول ذاكرهـا
اهي القضا العجـل للديـان=كم مـن كسـور تجبرهـا
وهي الة الحرب للشجعـان=وهي افضل افخم مواترهـا
الحومها تقـري الضيفـان=والبانهـا الله مطهـرهـا
منها وفيها ذري البـردان=ماضي الليالي وحاضرهـا
ميراث الابناء من الجـدان=رغـم السنيـن ودوايرهـا
يازيـن مهدافهـا امسيـان=ريحـة عبسهـا تعطرهـا
من يخلي من البل المرحان=خــص لياصارقـادرهـا
اماالروابع ماهـي بسمـان=والا مايـقـدر يدبـرهـا
يوم الجزيره نهب واكـوان=والناس عمـي بصايرهـا
حنا هل البل بنـو قحطـان=في انضارنـا الله مكبرهـا
نرخص الها غالي الاثمـان=ونقـدر الـلـي يقـدرهـا
من دونها ننطح الفرسـان=اللـي تقـادح نواظـرهـا
الجيش نرخي لها الارسان=والخيل نحفـي حوافرهـا
نتعب لها بنت كل حصـان=قـب وسـاع مناخـرهـا
وكل ابلج يجـرح العـدوان=ماهـوب يـدرا مشاعرهـا
اليا لكدهـا وجـاه اجنـان=اطبوعـهـا ماتغـيـرهـا
تصير طيـر بـلا جنحـان=اعنانـهـا مايصخـرهـا
تنصا المجاويخ والشيخـان=الله علي الـروس وامرهـا
وان جا لنبت الربيع الـوان=وباري المتلـي احويرهـا
ان حدرت نطلق الحيـران=وان سنـدت مـا نحدرهـا
نسهج بها نايـد الريضـان=عـن شفهـا مانحيـرهـا
في الخوف ترعى بلا رعيان=خلفاتهـا مـع عشايرهـا
ويوم ان حظ الجزيـره زان=عـود عليهـا محـررهـا
بالشرع ومعزي وشامـان=كل الفتـن قطـع دابرهـا
بلادنا أمن ورخاء وايمـان=تكبـر وتكثـر مفاخـرهـا
فيها القبائل تقـول اخـوان=مـن عودهـا لا صغيرهـا
في ظل عبـدالله وسلطـان=روس الحـرار ونوادرهـا
حنا لهـم محـزم مليـان=نرسى لاجـرت جرايرهـا
اليادعونـا نجـي عجـلان=فزعتـنـا مانـوخـرهـا
اطوع من الجان لسليمـان=واقرب من الجنـد لامرهـا
يانجد فيـك المزايـن زان=للبـل عسـي الله يكثرهـا
البيض للـي جميلـه بـان=اللي ماحسـب خسايرهـا
رجال في الموجبات اعوان=فعولها البيـض تظهرهـا
للطيـب لافتحـت البيبـان=مامنهـم الـي يسكـرهـا
عـزالله ان الكريـم معـان=وراعي الجمايـل يدورهـا
ناس تخلف عـن الركبـان=مافـيـه عذريـعـذرهـا
لوتملك من الذهب وديـان=تمـوت ماحـد يخاشرهـا
يالله دخيلك مـن الحرمـان=ماجملتـهـا تجـايـرهـا
البيض للـي جميلـه بـان=اللي ماحسـب خسايرهـا
عـزالله ان الكريـم معـان=وراعي الجمايـل يدورهـا

وسلامتكم .







تـقبلــو خالص تحــــيـــاتـــي


البشـر

.