علي الحرام .... (يا هل العين)/ بن سوده

[روس الشرايف]

عدنا من جديد احدن يذكرنا
<<< من درابج



اخليكم ويا قصيدة الشاعر / حسين بن سوده
ومدح لاهل العين ,, يستاهلون النشاما

علي الحرام أن الوفا طبع ف هل العين=وإذا خابت أفعـال الرجاجيـل ماخابـو

طويلين الأيدي ما علمنا قصيـر أيديـن=على المرجلة شبو ..على المرجله شابـو

يطيب الرجل من بعد مايبلغ الخمسيـن=وهم تحت عشرين السنه بالوفا طابـو

وإذا عدد أعيوب الأجاويد (بوقرشيـن)=هل العين مدحو في الأجاويـد ماعابـو

وإذا تنتخي ف الضيق برجال معروفين=يغيبون...وأهل العين لبوْ... ولا غابـو

وإذا قلت دار الزين اي بالله دار الزيـن=ولو شك فيني بعض الأحباب وارتابـو

وماهمني دام الوفا طبع فهـل العيـن=إذا خابت أفعـال الرجاجيـل ماخابـو