لكـن أبسئـل سـؤال ولا تظنـه عـتـب=لو تعتذر لي ../ بتقـدر تعتـذر للسنيـن ؟ ( درررّه )

[بــ ــــــــرق]

مساء الخير



قصيده لا يعبر عنها الكلام ، بل هي تعبر عن نفسها





بين ايديكم




.

..

...

..

.

ما طاح هم الليالي .. / لو يطيـح الحطـب=وأنا أغتسل عن غرامك .. / بالصبر والونين
كلمة أحبك صدى .. مـردود كلمـة تعـب=حكاية ٍ ما تسولف غير ../ دمع و حنيـن
هذا المصير الكئيـب اللـي علـي أنكتـب=لوحة حزن غامقه .. / فيها عيون ويديـن
مليت أناظر يميني وش خسـر وش كسـب=وتعبت أدوّر عذر .. / مل اليسـار اليميـن
رضيت أكون السلالم .. / ووصلك للسحـب=تقطف من نجوم عمري كل شـي ٍ ثميـن
شفتك صغير وبريء وكان وقتـي صعـب=وعودت همي لعينـك يختفـي مـا يبيـن
وخليت قلبي حديقه .. / والمشاعـر لعـب=وكبـرت فينـي وشفتـك ثالـث الوالديـن
لجلك ضحك قلب ما يضحك ورحـب هـدب=ولجلك رخصت الجواب وشلت لك كل سين
ما اظن عاشق عشق مثلي ومثلي وهـب=أصابعي شمـع والقاسـي عشانـك يليـن
وخسرت أجمل سنين العمر / وأنت السبـب=ومن صدمتي ما اصدق كل كلمـة خديـن
لكـن أبسئـل سـؤال ولا تظنـه عـتـب=لو تعتذر لي .. / بتقـدر تعتـذر للسنيـن ؟
وقّف ولا ترجي الرجعه .. ولو هي غصب=ما جيت طالب هنـاي ولا رجيتـك ضنيـن
دام الذهب لو تردى وقت .. يبقـى ذهـب=شفت التجارب تبيّـن كـل معـدن دفيـن
غنيت لحـن الشمـوخ ودمعتـي تنسحـب=وقررت أودع غرامك بـس فـي كلمتيـن
ما عاد فيني صبر.. يابو الحسب والنسـب=الله يسامحك .. والفرقا على القلـب ديـن
لكـنّ قبـل المفـارق ودي اطلـب طلـب=عشان خاطر هوانـا .. لا تقفـي حزيـن

لـ / مـطـلـق الـجـبـعـاء




تقبلوا تحياتي



بــ ـــــــــرق