بس جد كانك تبغي السالفه جد :: اسمع وش اللي بالمعاليق شلته

[محمد العزام]

لك في ضميري حب ما ظن له حد=يشيب راسي و لاني اللي حصدته
احساس صوبك ما توافق مع احد=يشابه اللي في عيونك نظرته
تجلي همومي نظرتك تمحي الوجد=وجد القوي اللي لياله اكسرته
امغرق العينين و امقطَع الكبد=من غبنتن تالي زمانه لحقته
يومن خويه طايحن و يتشهد=و في صدره رماح المعادي اطرحته
فز و تنحَر للعدو يتهدد=لكن قيوده عن خويه سحبته
و ايديه ادمت من كثر ما هي تشد=على قيودن قاسيه ما اعتقته..
تنادي محمد و انا اقول يا سعد=اسمي مدام انها شفاتك نطقته
لا يا غلا محمد و دنيا محمد=لا يا بعد كل من بعمري عرفته
جمر الهوى ما يوم بالجوف رمَد=ادفن و لا يطفي لو اني دفنته
حلمن حلمته مقصده دمعه و بعد=و قمت اتعوذ من فراقن حلمته
و الجد كانك تبغي السالفه جد=اسمع وش اللي بالمعاليق شلته :
للناس قدر و حشمه و خوًه و ود=و انت الذي قدرك عليهم فرقته
اكذب عليك ان قلتلك تشبه الورد=الورد زينه ينتهي لا قطفته
و لا انت زينك دايمن في تجدد=ماله شبيه و في حضورك حصرته
لا من حضرت القاف ملزوم ينهد=للشعر في حضرة وصايفك سكته
و يا العاذل اللي ذابحن قلبك الحقد=تعجز و الله مطلبك ما وصلته
لو صاحبي اخطى بلا عمد او عمد=غالي و مثلك لا حكى ما سمعته
صدق الغلا بأقصى ضلوعي مخلد=ما يبيد لو الموت بالعين شفته

و سلامتكم...