السلام عليكم ورحمه الله وبركاته
مساكم الله بالخير
هذي قصيده متواضعه فالانتخابات عساها تنول على رضاكم
بين القبايل لابتي نعم السند=يام العريبه طيب الله فالها
حنا قبايل يام وافين العهد=حنا صناديد العرب وبطالها
عدونا يمسي على هم ونكد=بين الحنايا علته يشتالها
ربعي ضنا مرزوق لاحان الوعد=ترس كما ترسي عظيم جبالها
والبيت مايبنا بلا طنب وعمد=ومال الحمول الا ظهور جمالها
السبت يالعجمان وفو بالعدد=أربع كراسي كلها نحتالها
والماقف المشهود مامنه مصد=وعقب صبين حاجته ما نالها
وقدم الجموع اللي تحاشد بالوفد=حنالها يالابتي حنالها
تكفون يالعجمان لاحن الرعد=في مدلهم الغيم وهل هلالها
سوو سوات الغيم لاهل البرد=تمطر نواميس الرجال افعالها
راياتنا يا لابتي نعم السعد=أربع بيارق تحتمي برجالها
واللي نهار السبت ماشفته صمد=نذرن علي لاعقبه فنجالها
12-05-2008, 08:29 PM
العرض الشجري