صـدفـه

[شبيب ابن شبنان]

السلام عليكم ومساكم الله بالخير

اسمحولي على الغياب

وعسى تنال اعجابكم هذه المتواضعه ...

مكاتيب الغرام اتسامح الشاعر على التقصيـر=علشان الغرام اقوى من الشاعر ومـن حبكـه
وأنا مانيب غير الناس لكن في المحبّـه غيـر=بنات افكاري من الشوق يالمرسـال مرتبكـه
يامرسال الغرام الله يقويـك ومسـاء الخيـر=مصيري مرتبط بك مثل ربط الشـام بالدبكـه
أبيك تعلّمه لاعـاد يبطـي والدمـوع تحيـر=واخاف اتطيح وظرورف الليال السود مشتبكه
وابيك تقول له (صدفه) وهو يدري عن التعبير=وقلّه لاطرالك من حلف لك مايخـون ..إبكـه
وقله من معلمك الغلا والشوق وانـت صغيـر=وقلـه لايبيـع الحـب والاحسـاس بالشبكـه
وقله لاطرالي قلت جعله فـي الزمـان بخيـر=واسخّر له قصيدِ عانني ربّـي علـى سبكـه
يامرسال الغرام اللحين قلنا لك صبـاح الخيـر=طلع وجه النهار ولاحزنت من القيـد ..إبكـه

وسلامتكم