اقدم لكم هذه القصيده المهداه الى ابن عمي وعصابة راسي ابو مهدي.
ولم انشرها قبل الانتخابات لاسباب سياسيه,واليوم جا دورها للنشر.
قــم يــانديبي فــوق جمــسٍ قزوزين
جمسٍ ليــا شفتــه تحسبــه وكـاله
امخزنٍ من عـــام تسعــه وسبعيــن
اصقــع حمــار وكــن مــابه مثاله
ماجـــابـه المطنــوخ راع الملايـيـن
لـو هـو سعى لـه لاحشــا ماينـاله
هاك الكتاب وبيت شعــرٍ على الدين
ومن وادي العجمان وجّه شماله
صوب الكويت وصوب ربعٍ عزيزين
يالله عساهم دايـــمٍ فــي سهـــاله
لاجيت ديرتهــم خــذ الرقـــه ايميــن
ملفــاك رجـــلٍ مشتهــر بالشكاله
عبدالله بن شــرفــان سقم المعادين
اللـــي ربوعـــه هانـيـيـن بظلاله
يالله عساه ايفـوز بالمنصب آميــــن
ويعـــزّنا ويعــزّ منهــو عنـــــاله
مادامنــا ربعـــه على العسر واللين
يرقـــى وحنـــا كلـبيـنـا ذرى لـه
04-06-2008, 02:52 AM
العرض الشجري