__// حنا سلاطين الجلوس وزحوله ..وعلى سروج الخيل مثل العفاريت//__مصافحه ثانيه

[محمد بن صويان]

أوحد المعبود واتبع رسوله= وأستغفر الله كل م أصبحت وأمسيت
من كثر ماعرف الشعر خفت أقوله = ماودي أكتب بيت وأندم على بيت
آسج واخذ لي من الشعر جوله = وأنا ليا خطيت أعترفت إني أخطيت
هرجٍ تسانده الثقه والرجوله = ورث من أهل العرف والفعل والصيت
دوله وياما حطمت عرش دوله= مثبته تاريخ الأمجاد تثبيت
حنا سلاطين الجلوس وزحوله = وعلى سروج الخيل مثل العفاريت
يشهد كريم القوم وابن الحموله = وقرت لنا القالات من غير تصويت
ياللي غرورك من قصور مهبوله = ارتاح لاتفرح عليك الشماميت
وين أنت يوم الحرب تضرب طبوله = ماتعرفك صفرا من الخيل وكميت
ميدان يام .. أبلشك عرضه وطوله= مالك معه ربع المعشا ليا جيت
لنا اشداد مدللينٍ ذلوله = في كل جغرافيةٍ نبعها زيت
ياهيه وينك وين كاس البطوله= من كل أصيلٍ مايباريه خرتيت
وأبو مسام اما جذت به ذلوله = وإلا شوي وينفجر به ديناميت
يحرم عليه إللي يبي ماينوله= وإن سيق فنجاله علينا تقهويت
اوحد المعبود وأتبع رسوله = وأستغفر الله كل مصبحت وأمسيت