السلام عليكم ورحمه الله وبركاته .. هذه الابيات كتبتها قبل أيام . حينما كنت في الخارج انا والاخ سعد بن بصيص آل فنيس .. كنا في ضيافه اخوان الشاعر حمدان المري .. وكنا في عجاله من أمرنا . وكان موتر سعد بـ إسم محمد بن راشد آل محوال .. وحولناه تصدير للكويت . وكنا مستعجلين نبي نرجع الكويت .. وع انه بيوم بنخلص وبنرجع ع طول . وصارت 4 ايام .. فـ سوينا اوراقنا رابع يوم ورحنا وصلنا الجوازات المغرب .. ودشينا مركز سلوى (السعودي ) وقالو وقفو موتركم في المركز وتعالو بكرا الساعه 7 الصبح .. لان موترنا تصدير .. واضطرينا ندش السعوديه مشي . واخلاقنا ذاك اليوم تجاريه .. فـ وصلنا لـ محطه ساسكو وخذينا غرفه نريّح فيها .. مافيها الا فرش ومكيف . ! قام سعد وطلب عشا .. تعشيت شوي ورحت انسدحت وبعدها بربع ساعه .. ألتفت ع سعد وقلت له .. الحظ والناس والايام دواره . = وانا اطوي الحال لامنه تعداني .! لا ياسعد والحسا قريبٍ داره . = وحنا مابين الحدود / نعاني ونعاني ..! الموتر اللي عليه ختوم الاماره . = وقّف ع الحد لايدخل ولا يباني .! مصدرينه نهار اليوم والطاره . = في قبضتك ياسعد والحال متداني .! لبيه ياكويت ياجوهر ومحاره . = وانا بدويٍ ربا في أرضها أزماني .! الضيق فتق ضلوعي وفتّح ازراره . = ولا بنفسي أكّل لو إنه مجاني .! وسلامتكم والحمدالله خلص الموتر .. بس للحين عاده لوحات تصدير ومعروض للبيع أترككم مع الشيله .. لاهنت يااحمد بن جوفان __________________ * يارب من رحمتك رحمه وعفوك عفو !
__________________ * يارب من رحمتك رحمه وعفوك عفو !
تصميم : طريق التطوير لحلول الإنترنت والتصميم DevelopWay.com