(.... لا ضيــع من عيــنك .... ) . . !

[سعد بن سريّع]

/
\
/
\

تدري وش الصعب فالتفكير . . والمستحيل ؟ !
لا قلت : برحل ، وانا ما قلت : خذني معــك

الجرح في صدري البارح . . ( يحط ويشيل )
نطرته ينام في صدري ، وجيت اسمعــــك

ما عاد للهجر قلب ، وبــ /المعاذيــر حيـــل
ما غير حزن الفــــراق اللي ورا ( مـــدمعـــك)

.
.
.

وصتي ، لا ضيع من عيــنك = لا يســــألونك . . صاحبك غــــايب ؟ !
عامين اذوب بحزنك وزيـــــنك = اليــن صرت بمحـــجرك ذايــــب
اذكـــر الامن قلــت لي : ويـــنك .. ؟ = حولت ويا دمعتك رايــــب
وجمعتنـــي في راحــــت يدينك = طفل ٍ يغنــي له غـــلا شايب
عمر الجفا ما كدّر سنينك ! = واليوم اشوفك باللقا هايب !
ركز معي الله لايهيـــنك = مدري المســـا ذالليـــل وش جايب ؟!
البعــــد ينشــــد من عناويـــــنك = خله يعوّد بالطلب . . خايـــب
اوجعتـــــني ، ولا أبغــي اديــنك = حتى لو انـــي بالحكي صايـــب
جيــت اتجــلّد ، والله يعيـــنك = يعني سمحــت !. . وخـــاطرك طايب !
بترك رســــاله بيني وبينــــك = من قبل اصير العــــاشق . . التايـــب
( امانتك ، لا ضيـــــع من عينــــك ) = مع تحيــــات . . ( الهـــوى الغايـب )

وســــوالمـ , ,