ردها يا شيخ عني ردها

[نسناس]

يانعيم العـود والوجـه المليـح
هذي يدّي في وصالـك شدّهـا
مايصير انك على وصلي شحيـح
والمشاعـر كـل يـوم تصدّهـا
معجبك قلب(ن)من اسبابك جريح
وضيقة(ن) بالصدر واصل حدّهـا
كان هذا ماتبي خلـك صريـح
وكلمة(ن) تخجلك قالـوا بدّهـا
ماتضيق الرجل بالكون الفسيـح
ردهـا ياشيـخ عنـي ردّهــا
ما اقول اني مكمـل مـا اطيـح
ولو اطيح اكيـد كبـوه عدّهـا
دام انا لي بالعرب وجه(ن) فليـح
كاتم(ن) والنفس مخفـي سدّهـا
وماعلي من كلمة(ن) ماله نطيـح
اتـرفـع مــا ادور ردّهــا
هي رسالة تحمل المعنـى الفصيـح
مرسلينـه بالبـريـد ليـدّهـا
الصحيح ان كان تطمح للصحيح
نفس راحـت ماكسبنـا ودّهـا
بس يمكـن تستريـح ونستريـح
ودامهـا بالجـد تظهـر جدّهـا