الخاتم

[علي ابن نهايه]

فصلت تفصالي ـ بالأبيات وانص = بيت الشعر والشعر مثل المنصه

أحد ٍ يطوله بالجزل واحد ٍ يغـــص = ماصف له حرفين وماقال قصه

وانا قنصت الجزل دايم له اقنــص = جزل القوافي خصت اللي تخصـه

ما ني ب متعلم من مدرس ٍ لــــص = ولا ني بمستنسخ بالافكار لصه

مفطورة عندي كذا الموهبه وص = وص الشعر واللي كتب فيه وصه

قل المعاني قلها لو تلـــــــخص = يحذر لها الشاعر ـ لكي لا تقـــصه

هذا الشعر نفس الوضع سالم الشص = لا يكتبه من خاتمه ضاع فصه

والخاتم اللي ضاع من داخله فـــــص = ما هو بخاتم ــ والشعر ما يخصه

ولا من تحاكا بالهزل قلتــ له اص = احشم بيوت الشعر يافلان واصــه

خل الشعر لاهل الشعر ثم تمــــخلص = رح لا تعوّد ـ لا تعاود تخصـــه

شاعر على ما قدر الله مختـــــص = مختص من راس الشعر لين عصــه

لا صرت ما ازود ولاني بأنقــــــص = جبر المعاني طاب من عقب شصه

لا بد ما نخطي ولا بد نقنـــــــنص = بيت الشعر من عقر داره واقصـــه

مفصله تفصيــــل ـ ولا هو ب ينقص = تفصال هندي ـ لا توصيه وصـــه

وصه مع التفصيل لا ينتهي القـــــــص = وان خلصت خامات من قص نصـه

نصه بيوت الشعر ـ والشعر لا نـــــــص = نا س ٍ على المنطوق ما هي مقصــه

والا الطفل لا مص رضاعته مص = ما يسكت الا لا زم ا مه ترصـــــه

ثم يسكت ويضحك ـ ولحظات ما رص = لكن تعلّم في زمانه بمصــــه

والأ انت يااللي تحسب الشعر ما غص = ما غص به يا كود ـ نا س تغصه

تفلح وتترك ساحه الشعر وتبــــــص = للي عيونه دايم ٍٍ في المنصــــه

في اصبعه خاتم ولى ضاع به فـــــص = شاخت له القيفان مضمون نصه

من خاطره لا من تضايق تخلـــــــص = من ضيقة ٍ رصت بالأضلاع رصـــه

ما تبتعد ياكود لا صرت مخــــلص = يا من ورثت الشعر من دون حصه

تترك بيوت الشعر وان ضاعت فرص = كل ٍ على ما قدّر الله وخـــــصه