الهوى كذاب والعالم خبول=لا جتمع لثنين صارت مصخره/أهداء لــــ/طويـــق

[فهد بن مطلق]

السلام عليكم ورحمه الله وبركاته


متواضع أتمنى أن تنال كل الرضى بغض النظر عن تقلبها




صلوا على النبي
.
.
.
.
.
.
.
.
.
.
.
.

ياصحيبي قدني عنك الحين حول=وش لك أتنبش قبور المقبره
عارفك لاقلت ماتقدر تنول=الغلا عصفور والوصل اشجره
مات عصفور الغلا والحقه جول=ومابقالك فالوصل اي ثمره
قول ماودك وقول اللي تقول=ماتهز أبخافقي لو شعره
لان مالي فيك شف ولا ميول=أحمد الله وأنحني له وأشكره
اللي مايطول العنب تدري أشيقول=حامض(ن)لأنـه ّ بغاه ومقدره
ولا أنــا ذقت العنب فأربع فصول=وأجمعه قدام عينك وأنثره
الفحل مايمشي الا مع فحول=والمره ماتمشي الا مع مره
أجحد العشاق والضبي الجفول=لـعنبو ليل(ن)شقاوي تسهره
وأنت لامن صار مرماك العذول="طلقة(ن) ماهي تصيبه تذعره"
اقتباس(ن) ضاف للموضوع زول=مايعيش الرأس من دون انعره
جمع العالم ترى لفهد يقول=من صليب الراس قولن اشكره
الهوى كذاب والعالم خبول=لا جتمع لثنين صارت مصخره

.
.