عجمـآن وقبايل يــآم .<<

[محسن بن خميّس]

السلام عليكم ورحمة الله وبركاته


هذي قصيده في مدح عجمان وقبايل يام
أتمنى أن تحوز ولو القليل من الرضىى

:
:


يقـــــــــــول

مطنوخ راسي والقصيد اليا بغيته فالرجّـال=جاني على هوجاس مدح وذالعواطف كبّهـا
سوات منهو بالمواقف رغبته شـل الثقـال=عينه على كسب الرجّال اللي تخاف لربّهـا
أمدح هل الطولات في وقت الزحايم والجدال=من زود مابي من غلا بالحيل طاغي حبّهـا
أهل المواقف والوفا وأهل المكارم بالحـلال=وأهل النفوس اللي هواها للمنايـا تصبّهـا
ربعي ضنى مرزوق ياربعي وياشبه الجبال=اللي هبوب العاتيـه ماتهزهـا مـع هبّهـا
عون الدخيل اللي زبن فينا وحنـا للقتـال=ننحر جموعن غايره والضو حن من شبّها
حنا هل العليا وحنا مـن صعيبيـن المنـال=نرقى سنود المرجله باللحين وفوق نذبّهـا
الروح ماترخص ولو حتى على عقل الجهال=وأرواحنا لا حـل عنـف أجدادنـا نلعبّهـا
اليا لفانا الضيف يبشر بالشحم عقب الدلال=هذي عوايد يام وكل يامي يجـي يرغبّهـا
يامرحبا ياطاري المـره وفييـن الخصـال=أعداد ماهل المطر في كـل جـو مرحبّهـا
ربعن لنا بالعـز والعليـا ليـا قلنـا تعـال=جونا رجالن بالخلا تمشـي علـى أركبّهـا
يفخر بنا منهو وريث المجد وذربين الفعال=ويفخر بنا منهـو قـرا لأمجادنـا وقلبّهـا
أنهي كلامي والحكي قاصر مدايح لو يطـال=ياجعل من رباني في روضن يبيها يطبّهـا

:
:
:


وســــــــــــلامتكم

من غير قصور فالقبايل الباقيه
والنعم فيها وكلها على راسي


/\

/|