سجل يبو مكره وأخذ لقطات,, ياراع الفلاش = وأنشر يبو نشره لمن يقرا,, الحروف التابره
أما خذيت من البحر,, خير الدرر وإلا بلاش = من طاري البحر وسفينه فوق سطحه عابره
أنا طموحي لنجوم اللأمعه,, وأصعب مناش = أفعل وحسادي كثير,, وبالمهونه صابره
حظي ليا ثابرت,, يبسط لي على العليا فراش = وأفخر اذا نافست ,,ناسٍ بالحياه مثابره
والتجربه برهان,, للعظم الصليب وللهشاش = ياجابر العظم الصليب,, إللي توفى جابره
هذا زمانٍ مايفيد أهل الرواتب والمعاش = وأنا أعتزيت,, وكل مستكبر كبير أكابره
واذا دخلت السوق,, تاجر أشتري وبيع كاش = والوجه الأبيض,, ماتقابله الوجيه الغابره
ماهي بلحية وشتبي راس الضبي مابه عراش= والعزم فالضلعان ,,يجعل لك طريقٍ سابره
أنا خذيت الراي من راسي ,,ولا عندي نقاش = ماهو براي ,,أبن شبيب إللي يقمح شابره
ماينحني راسي لمغرورٍ حنا مليون لاش = والحق ..تعلا كلمته والكذب نقطع دابره
والأُسٌد ماتارد مواريد الثعل لو هي عطاش= ولا مواريد,, الكلاب النجسه المتنابره
23-07-2008, 10:12 AM
العرض الشجري