كل شبر بهالوسيعه ملك ربي تعلمين ... واعلم ان الله خلقني....

[آلطـرفـ آلخجــولـّ]

السلام عليكم ورحمة الله وبركاته ...

حبيت اكتب لكم قصيده اعجبتني حيييل
بس للاسف ما اعرف منو اللي كتبها
المهم اتمنى انها تعجبكم ....


كل شبر بهالوسيعه ملك ربي تعلمين... واعلم ان اللي خلقني هوخلق لك هالعيون

لكن انتي من جلستي وانتي فيني تحدقين...كن مابه ناس غيري بهالكراسي يجلسون

لوسمحتي عاد سمعتي وحتى لو ماتسمحين...المهم اللي بقوله تسمعينه ويسمعون

على الاقل ليا نظرتك سوي روحك تستحين...غضي طرفك مثل غيرك خوف ربعي يلمحون

الركاده عاد زينه والحياء في البنت زين...وفيـــكــ انتي لاركـــاده ولا حيــاء يـــذكرون

تعرفيني؟ اعرفك!مذكــر إنا ملتقين... لا اعرفك من تكوني ولا تعرفي من اكـــون

وإطمأني ان كان قصدك بس فيني تشبهين...ماهو انا اللي تعرفينه والبشر يتشابهون

مادريتي من التشابه يخلق الله اربعين...واعرف اربع يشبهونك بس والله يستحوون

وان كان قصدك شي ثاني عاد قولي وش تبين...خايف إنا نصير فرجه واللي ماشتروا يتفرجون

واذا على البال عاجبتني لايحوشك تحلمين...صدق ربعي من جمالك فيك صار يمدحون

بس وش لي في حلاتك دام فيها ترخصين...حشمة البنت وحياهاوالكــرامه يلفتــون

ولو توفر فيك هذا مع حلاتك تبشرين...ماهو انا الف غيري باب بيتك يطرقون

وش علامك رغم كل اللي اقوله وتسكتين...موطبيعي هالسكوت وهالبرود وهالسكون

إنتي خرسا اسألك ولا مانك تسمعين...قالوا ربعي(ذي كفيفه) قلت: لا تمزحون!

لين شفتك يوم رحتي يمسكونك باليدين... مادريت الا عيوني اربع اربع ينزفون

آه..ياني منه مشهد يوم شفتك ترحلين...جيت اشوف عيون ربعي كلها لك يدمعون

قلت:سنة هالحياة وحنا ترانا مؤمنين...الله اللي مسيرنا بين كاف وبين نون

وكل ابونا نختلف مع اننا من اصل طين...سبحان اللي مصورنا ولله في خلقه شؤون

يعني حنا كل ابونا عاد اسمنا بنادمين...ولياقضى ربك امر وقال له كن فيكون

فينا يلي رازقنه خير رب العالمين...وفينا يلي هو لعطفه بحاجة القلب الحنون

صم وبكم وعمي فهم لا يفقهون...بس قليل عاد فينا للنعم هم شـــاكـــرين

والله يرزق هالخلايق من حيث لايعلمون...وتدرين عاد يالكفيفه حنا ترانا متشابهين

وان ماعمت ابصارنا القلوب اللي يعتمون...يالكفيفه يالعفيفه ان قلت (اســـف) تقبلين؟؟

يغفـــــــــر الله ذنــــــــوب عبـده اليا خطا... وهــــــــــــل تـــغفــــــــــرون؟؟؟؟؟

وحبيت اقـــول حق كل بنت -----> (البنت بلا حياء كالشجره بلا اوراق) وبس


اتمني انها تعجبكم ... ولكم اعطر وارق التحايا مني ...