قصيده تدافع عن العجمان

[SWAT]

هذي القصيده لعبدالله زنيفر الحويله وهو يرد فيها على سؤال شخص اسمه محمد يساله سؤال استفزازي
بصراحه عبدالله ما وده ان القصيده تنتشر........ ليش؟ الله اعلم
المهم انا بكتبها لانها اعجبتني ابيكم تقرونها

القصيده :

يامحمد كيف تنشد عن كعام العيالين=يامحمد ادري انك جاهل(ن) ماتفتهم
لو زمنا يرجع شوبه معك ذيك السنين=ولا ربي يجعلك في نومتك فينا تحلم
ولا تدري يا محمد استـلم عـلم اليقين=استلم ثم افتهم وليا افتهمته استلم
لابتي لا ثارت الهيجا مرويت السنين=كم هبيل(ن) بحربهم من خيبته خاوى الندم
آلاد مرزوق ونفتح للبشر بوابتين=الباب الاول للنعم والباب الاخر للعدم
اما نعمنا يا محمد تنفهم في كلمتين =اقبل علينا بالنعم تلقا بنا خير النعم
والباب الاخر كل قاسي لا وقف قدمه يلين=تلقابه ارجال(ن) توردك المنايا والوهم
عاداتنا لاثارت الهيجا نقول الموت وين=شيباننا شباننا لا ما رضو غير القمم
شيباننا حازو المعالى من زمان الاولين =تجتمع فيهم شجاعه والتواضع والكرم
انشد..؟ الهيات عنا قلها وش تذكرين =تذكر انها تبتيلش ليا سمعت بن الاعجم
وانشد..؟ الطولات عنا قلها من تعشقين=تعشق العجمان هم هل الصلابه والعزم
وانشد سيوف الهنادي بيد منهو ترتوين=ترتوي من يد عجمي لا ضرب فيها خصم
وانشد سباع البراري كيف كنتي تشبعين=لاذبح عجمي خصيمه يحذفه ثم تلتهم
اعرف ترا العجمي مرايا كان تفهم يا فطين=رجل(ن) يعكس اللي قباله من فعوله وافتهم
رحاتنا حب المعادي منها يصبح طحين=رحاتنا تجعل يكن من بعد لا ولن ولم
لا عتزينا بيام الاول يا جزيره ترجفين=كل ما فيش يرتاعد لعتزينا في إبن عم
هم سندنا فالملاقا فعلهم دايم يبين =فرز الوغا سقم العو نطاحهم ماقال كم
والقبايل نعم فيها كلبونا خابرين=والقبايل يا محمد كلها والله نعم
شرح موجز عن قبيله نشرحه مستعجلين =ماسمعت انسان يشرح في حياتي للبهم
خذ نصيحه يا محمد وانتبه خلك ذهين =لا تحارش كل رجل(ن) عزوته بن الاعجم

لا هنت يابو زنيفر كفيت ووفيت صح الله لسانك

ولا تزعل اذا دشيت المنتدى وقريتها