تدري وش الي مستحيل انه يصير ؟!

[مبارك بن مجروب]

السلام عليكم ورحمة الله وبركاته

صباح // مساء الخير

متواضعه للتواصل ,,,

فأسمحوا لها بالمرور

يامضيّع دروبك امسيك بالخير=شعلوم دربن ممتلي بالمهازل؟!
انا خزلت من القصايد مباكير=والا انت علّمني يا ويش انت خازل؟
خذلك على درب المتاهه ,, مشاوير=واذكّرك !! انزل مع كل نازل
تفرق ضحايا الطير ,, عن هيبة الطير=مثل ماتفرق عن قرى (الهند) ,, (بازل)
انتوا سكنتوا اسفل القاع ,, ياصغير=وحنا لنا فوق المعالي ,, منازل
بعض العرب همه حمام وعصافير=والبعض همه في مجمع يغازل
لكن انا فارق عن الناس بكثير=وان كنت قد اشعار شاعرك ,,نازل
فارس هجوسي ينطح كليب والزير=ويصيح بين الناس (هل من منازل؟)
ماني مثل غيري وانا شاعرن غير=اكتب من الابيات فاخر وجازل
شفني عكست السير وانا اعرف السير=وقادات حسادي ,, كذوبن وهازل
!! الي حكوا بي ماني بيمهم ..غير=حطيت بيني وبينهم كم عازل!!
احدن اذا فارق فراقه ,, تباشير=واحدن اذا فارق فراقه ,, زلازل
اخذ الحقايق والفخر ,, للمناعير=الي على المشراف جاهم تنازل
تدري وش الي مستحيل انه يصير؟؟=اني مثل غيري ((ادج واغازل))

وسلامتكم

ومباركـ عليكم الشهر