@@ تعال .. شوف بعينك شصار فيني @@

[^فتي الوادي المطنوخ^]

تعال .. شوف بعينك شصار فيني = من يوم مارحت بطريقك وقفيت
من كثر مابكي انطفا نور عيني = ولا عاد أشوف إلا خيالك ليا وحيت
تدري من إللي كل ليله يجيني ؟ = الحزن ..ضيف القلب ,,والقلب له بيت
ضاعت معاه احلا اماني سنيني = كفا ووفا .. مثل ما انت كفيت
ماعاد غير الليل ..يسمع ونيني = والليل مايرحمني إن كان ونيت
بكفن اللي كان بينك وبيني = وبحاول أقنع نفسي اني تناسيت
إن كان ماحرك شعورك حنيني = الله يعاقبني على ماتمنيت
لأني بدونك خاسر الحالتيني = بعد الفراق .. العمر .. وش عاد خليت

؟؟