مـاكـنـت أظــن المــنـايـا فـي قـفـى زلـه...وسـيــوف مــوتـي من الصوبين مشهوره!!!

[محمد المجول]

السلام عليكم ورحمة الله وبركاته

وعيدكم مبارك مقدماً

أقدم لكم هذه المتواضعه عسى أن تحوز على رضاكم جميع

يامل قلبي من الحرمان يامله=راحت سنين العمر دوره ورى دوره
عقلي يقول إلزم العادات والمله=وقلبي يقول العرب تنهى ومأموره
وقول من بيني وبيني يابسمله=مافيه داعي ترى النيات مستوره.
أقبل وتقبل ظروف الوقت والعله=وأدبّر وتقبل الضيقات مسروره.
يفيض دمعي وعيني ترفض تهله=ياليتني حاسب/ن للصد والبوره.
على خليل/ن تردى في وصل خله=ثلثين شهر..ونهار..وماظهر نوره.
مايدري إنه نديمي والغلا كله=ومايدري إنه غياب الكون وحضوره.
ومايدري إن طلته مامثلها طله=تحيي ربيع الخفوق وتقطف زهوره.
ياسيدي ياأمير الحب قم قله=يومي غدا عام وأهلكني من دهوره.
مدام حبه سكني...كيف أباصله=لاصار زوله سراب وعيني الصوره!
ولاصرت دافي شتاه..وشمسه..وظله=ولاصرت أنا الماضي..وحاضره..وشهوره.
ولاصرت روحه..وريحه..عطره..وفله=نبضة.. وضحكته..دمعه..صادق شعوره.
يكفيني إني نذرت الروح له كله=ويكفيني إنه بكاني من سبب جوره!!
ماكنت أظن المنايا في قفى زله=وسيوف موتي من الصوبين مشهوره!
كان يعشقني...وقلبي دايم يدله=والحين...واحد من أشياءه وجمهوره!!