قصيده لمشاري المري

[المري قطر]

الله يسامح من يشوف إن خوته سلعه تباع
ياللي تشوف إن خوتي لك مصلحه في مصلحه
ياويش أنا أبغي منْك يالحساس يالشهم الشجاع
الاّ إني أصبح .. صاحبٍ لا غاب منك تمدحه
موظف .. وضلعي متين .. وربعي بشتى البقاع
بخير وآغدي وأعشي والأمور مصلّحه
إرقى بتفكيرك .. ترا منت بردي ولا رعاع
لكن خطاك .. أعقل رجل وأحكم رجل .. مايدمحه
أفا أفا .. ياطيبة الشيبان .. وعزوم السباع
يالصاحب اللي ضيقتي همه .. وضحكي يفرحه
صدّقت بي وأنا أصدق امن الجوع فوجيه الجياع
وأوفى .. من ال.. لا لا وفاي أكبر من إني أشرحه
أنت تعرفني يومك تعاني من أنياب الضباع
تقول كنّي بندقٍ لا مر ضبعٍ تسدحه
وأنت تعرفني يوم راسك من عنا التفكير .. مآآع
يوم الحلول أصعب من البسمات يوم المذبحه
وأنا تراني صاحبك الأول يا الماسي الطباع
متسامح .. وهو لو يبي يجرح رجل مات !! جرحه !!
إحفظ رقم موبايلي و إحرص عليه من الضياع
وإن قال لك شخص إمسحه .. نصيحتي .. لا تمسحه
كلمني إن ضاقت عليك الأرض طول و إرتفاع
وأبشر بعزّك .. وإن بدا ليل الهواجيس .. أمرحه
كلٍ قناعاته له .. والاقناع ماهو الإقتناع
وأنت إنتبه للي تقوله والمح اللي تلمحه
تبقى بتفكيري .. سنافي .. شهم .. متواضع .. شجاع
وأبقى بتفكيري جبل .. صلف الهوا مايطرحه




مشاري الــــــــمـــــــري