فمان الله / مصافحه اولى لـسماوي بن نجم

[جطلي بن فهد]

ياسعود انا ياخوك بالحيل شفقان=يم الديار اللي تبيح السريره
ودي بشوف اللي على القلب سلطان=ياجعل ربي من صدوفه يجيره
مانيب متحسر ولانيب ندمان=لكن عسى ياخوك في الامر خيره
يبقى وهو غالي على طول الازمان=ماهوب انا من يتبعه يستشيره
قله انا ربعي طحاطيح فرسان=اللي يخلون المواقف خطيره
عجمان ابطالً وسط كل ميدان=اللي منازلهم على كل ديره
ومن يتبع المقفي بلا شك غلطان=قله يوادعني ويدور مصيره
قله فمان الله وماكان لا كان=وقله يفارقني ومن دون حيره
واللي ترا من بينا فرق شتان=والحر ياذيبان واضح مطيره

وسلامتكم


اتمنى ان تنال اعجابكم

اخيكم
سماوي بن نجم