سعــود الليـــالي ,, للتواصل :)

[قبلة العذارى]

السـلام عليـكم ..

وصبـاحكم / مســاكم .. خيـر


قديمه .. جديده .. للتواصل مع قلوبكم اضع هذه المتواضعه بين ايديكم


\
/
\

الشعر ماهو محطه للظهور .. وللطرافه=يستغله جاهلٍ من غير لامعنى .. وقيمه
الشعر كتلة مشاعر .. فطره .. مافيها كلافه=موهبه من جل شانه .. ونواياها سليمه
وياسلام الله على شاعر جزيل القاف قافه=ينتقي دِر المعاني .. كنها احجارٍ كريمه
يحكم غصون القوافي لاتثنت بنعطافه=كنها وبل السحابه .. كنها قطرات ديمه
من خلاله يانديمي بيرسل القلب اعترافه=اسمع الآتي .. وركز في كلامٍ من صميمه:
من بعد جور الزمان اللي ظمى قلبي بجفافه=يَبْست عروقه .. وصارت كلها حطام وهشيمه
والظروف فكل ليله تجرح بليا مرافه=لكن اقسى جرح فالقلب .. وسبايبه الظليمه
الله يجير الخفوق من شي جاه .. وشي شافه=مايبي غير السلامه .. لاحصلت .. فأكبر غنيمه
وانت ياسعود الليالي .. بحر عمري وضفافه=انت ياعذب السجايا .. بلسم جروحٍ اليمه
جابك الله .. واحتفل خفاقٍ وزاد ارتجافه=واشرقت شمس المحبه .. من عقب ليله عتيمه
في وجودك : بمشي الدرب اللي كنت اول اخافه=وآتفيا في ظلالك .. وتكبر بنفسي العزيمه
وفي وصالك : تنبهج روحٍ وتقصر المسافه=والوصل له شرع ودين .. وله خطوطٍ مستقيمه
مسكنك وسط الضلوع العوج والحدب .. الرّهافه=نوّخ ركابك .. ترى لك فيه قدرٍ وحشيمه
والعذول اللي يجي من بيننا .. يرجع خلافه=لايجي للنار في رجليه .. ويبشر بالهزيمه
جعل يفداك الردي .. والعاذل .. ومن قلبي عافه=وجعل يفداك العمر الجاي .. وايامي القديمه
دامني في وسط عينك .. ماعليّ ايّة مخافه=واشهد ان الله عطاني .. يومي فقلبك مقيمه

وسلامــــة قلــوبــكم