يــا صــاحـبــي ,, والـراس .. وسـطـه سـعـاطـيــر !!

[احمد بن جوفآن]

السلآم عليكم ورحمة الله وبركـاتـه

:
.
:


صبـآح / مسـا ,, الخـيـر ..

كـيـبـورديــه .. عـسـى أن تـرقـا .. لـ/ذائـِـقـتـكــم ..

\
/
\
/
\

البارحه مابين سجــَه وتفكيـر=غارت علي من الهواجيـس ,, غاره
كـن المعاني ما تبي .. زود تأخيـر=والقـاف كنـَه ينتظـر له ,, شراره
حاولت اطوَفها .. ولابه معاذير=ياكثر ما طوَفت تاره,, و تاره
يا صاحبي بالخير .. مسَـيت بالخير=لا تحسب إن فعلك ,, ذكاء و شطاره
ولا إنت حكيـَك غير .. وفعلك ترا غير=البيت وشهو ,, لا تهــدَم جـداره
اما قضبت السير ؟ .. او تخلف السير ؟=وش قوم نجمـك ما تغيـر ,, مـداره
يا بكرتي ماللضـَـمـا غير .. ذالبيـر=والقـوم كل ٍ(ن) وسط راسه ,, نعـَاره
مانيب انا (احمد) .. من زحول ٍ(ن) مناعير=ان كان ما تارد وهي ,, بالصداره
تقبـل وتارد ثم تقفي .. مصـادير=ولا انت ذودك بين ,, ( شبك وزباره )
الفرق واضح .. مايبي اي تفسيـر=غناة نفس ,, ولا مذلة تجاره
ماهمـَـني الربح .. ولاَ المخاسير=لكن اميــَـز بين ربح ,, و خساره
ولا انت تمشي في .. طوال المشاويـر=لا عارف ٍ(ن) دربك ,, ولابه مناره
لا ما حسبت حساب .. تالي وش يصير=ولا تفرق بين جد ,, وعياره
يا صاحبي والراس وسطه .. سعاطير=(حليم) لكن غير ,, عند (القشاره)
ماعاد فيها حشمة ٍ(ن) لك .. و تقدير=من يوم بان الي ,, تحجبه ستاره
حاولت اطوَف بس .. وين المعاذير=ياكثر ما طوفت تاره ,, و تاره

وسـلآمتـكم ,,
.
:
.
احمد بن جوفآن