مصافحه اولى (يا ذكريات الامس)

[مناور بن هرماس]

السلام عليكم

مصافحه اولى اتمنا ان تنال على اعجابكم

يا ذكريات الامس ياحاظر اليوم = يااول بدايات الشقا والكآآآآبه
يا من غدا ذكرك معي دايم الدوم = اصد والقاك السؤاال وجوااابه
محروم من وصلك ولاني بمحروم = من طيفك اللي كل عرق انتشاااابه
اللي حرم جفني طعم لذّة النوم = شيٍ لك الله ما حسبنا حسابه
انا ادري ان اللي حصل شي مقسوم = لكن قلبي وش يخفف عذابه
وآ قلبي اللي من عنآ البعد محكوم = حكمٍ رضابه غصب لو ما رضابه
دمعة عيون ،، وعضّة ابهام ،، واهموم = وضيقة صدر ،، وافكار حزن ،، وغرابه
كله سبب فرقاك يا باشة الروم = يا عف وانقآ من طهور الجنابه
من بعدكم والحال مبري ومسقوم = والضحك قفّا والعنآ فك بابه
تقفي بك حلومٍ وتقبل بك احلوم = واقول ماجابه لي الحلم جابه
اغفي على ضحك امس واجيك معزوم = واتخيّلك في بسمتك والرحابه
وافزّ فزّة شيخ قومٍ نطح قوم = والقاك طيفٍ جا ينقّض صوابه

وسلامتكم

مناور بن هرماس