كثير المطاريش

[ناصر بن ذروه]

السلام عليكم ورحمة الله وبركاته

نص متواضع يرتقي بقرائتكم ..,

انا مع افكاري كثيـر المطاريـش=مشقيه دايم لين ينسى فراشه
وابحرت بالتفكير للقلـب بشويـش=اصور الواقع علـى جـال جاشـه
أثر الهموم اتصب واتفيض واطيش=وترث على قلبي سواة الغباشـه
ياناقشه حبش على القلب تنقيـش=ماترحمين اللي يحبـش اخشاشـه
يومش خذيتي من الحلا ما يوليش=على معاليـق الخفـوق ومشاشـه
العنق منتوق وعيونش مراييـش=والخد كنـه قطعـةٍ مـن قماشـه
لو جمعوا زين البني مالهن قيـش=زينش يعرًض زينهـن للطماشـه
انتي من القله ومن فتنـة قريـش=وشوفش يسبب للخفوق اندهاشـه
لبى معاليقـش ولبـى خراطيـش=قلبش ولبى وجنتش والبشاشـه
ياغايبه عني وانا عادلـي فيـش=عظمي من افراقش كلته الهشاشـه
في غيبتش قلبي عروقه معاطيـش=وانتي سبايـب موتتـه وانتعاشـه
بالله عودي وازرعي قلب مغليـش=يحيابش الخافـق ويلقـى معاشـه

(ناصر بن ذروه)