يامل عين ٍ كنّها في ذرى السـام=والقلب يكفخ من لهيب الجحامي
يبي الفكـاك وعلتـه دوم كتّـام=يكتم لهيبه عن خـوال وعمامـي
من العنا والضيق مليـت الايـام=مدري على وين انتهي في ظلامي
كنّي سجين وينتظر عدّة اعـوام=حكمه مع التعزير عشرين عامي
ذكرت ليث ٍ في سوايـاه مقـدام=عزيز نفس ٍ ماتجيـه الملامـي
يشيل حمله مع حمول ٍ ليـا قـام=مثل الجمل ينقل حمول الزحامـي
راع الكرم والطيب للكـود دحّـام=فزّاع في فعل ٍ يغيضـه يحامـي
مايبتلش يوم اللقاء يـرزم ارزام=ومن يزهمه بالظيم مارد ظامـي
ابكيه بالذكرى وفي شوف الاحلام=وعليه منّي كـل يـوم ٍ سلامـي
رثاء بالوالد الله يرحمه ويسكنه فسيح جنااته
العرض الشجري