/
/
/
الكتابة ؟..جرح,, يا جرحي. وضعفٍ فيه قوّة
والكآبة..؟ غيب فيني,, تعرف حدود الكآبة
والمشاعر. لو أبخفيها, غصب عنّي, تفوّه
والقصيد يدق بابي... لو... ما دقيت بابه
غارقٍ (حضرة جنابي),, في هوى (حضرة سموّه)
وفي هوى (حضرة سموّي),, غارقٍ (حضرة جنابه)
والإجابة ,,,يالسؤال إللي تسميها .مروّة
أي مروّة,, وأنت حاديني على,,,( مرّ الإجابة) !!!
هو أنا إللي ,,من عذابه يرفق بحاله عدوّه؟!
وإلا أنا إللي,, دون فرحه وقّفوا كل القرابة!؟
هو أنا ذاك (الصغير),, إللي بدنيا الحب توّه.؟
وإلا أنا من(ضاع عمره) بالهوى وأفنى شبابه؟
هو أنا إللي ,,عن (سيوف البرد) قام وشب ضوّه
ما درى ،،، إلا ونـــــــــاره أحرقت زاهي ثيابه
وإلا أنا ذاك اليتيم الجاهل إبمعنى الأبوّة..؟
إنجرح صوته. وهو يسأل,, ولا حيٍ درابه
كل فرح ,وكل جرح/ن/ في طرف عيني.. تشوّه
ضحكتي فيها. (غموض),,, ودمعتي فيها. (غرابه)
والسؤال اللي من اسبابه لقى(المجروح جوّه)
انتثر همّه حروف وعاد (لجــــــنــون الكـتابة)
سو فيني يا زماني ،،،، كل ما تبغيه سوّه
وإلا أنا (ماعاد تفرق).. دامها الأشيا ،، تشابه
/
/
/
العرض الشجري