قصه وقصيده للشاعره الأديبه / خطـر الشـمري

[المحـترم]

السلام عليكم


اولاً حكم الرشيد كان حكم قبلي وكان فيه عنصرية للقبيلة فقط وكان به ظلم وكان يظلم ناس من شمر بعد لكن حكم ال سعود تحت راية الدين وليس للمنطقة او للقبيلة


ثانيا قصيدة ساجر اللي تقولها هو خرج لان حملة الامير عبدالله بن فيصل بن تركي داهمته وهو في اراضي القصيم وخرج الى عرعر وماهو عبيد اللي مثل ما تدعي وتقول انه وصله للعراق لو كان يبي يحاربه كان ما راح للامير عبدالله بن فيصل بن تركي وقال قصيدته
يا شيخ انا جيتك مسير وبلاس ** وباغ اشوفك يا مضنة فوادي .... الخ القصيدة

وبعيدن ابن رشيد هو اللي بدا بالحرب على ساجر مثل ما تبين القصيدة بعد ما بلس عليه

وبعد ما نزح ساجر توعد ابن رشيد بقصيدة اللي قال بييت منها

طلال قل لعبيد بينك وبينه *** وش لون يامن والعمارات عمار


وكان ان اعطى الامان لاخو جحلة مشعان ابن بكر ان نياقه يرعن بمنطاق قريبة من حايل ثم اخذهن واسمهن الغافلات سمين بالغافلات لان ماحد جفلهن وغزى واستردهن من حايل وبقت ناقة وحده اطيبهن اسمها ام الاطناب ومره ساجر عقب عزوته وساله ساجر عن مغزاة قال جبتهن ولا عدي جبتهن ( لان ام الاطناب ماهي معهن )

فغزى ساجر واخذ حلال ابن رشيد وذبح ابن زويمل واسترد ام الاطناب وراح اذكر ابيات من قصيدة ساجر يقول بها

مزن تزبر عم عرعر وابا القور *** سيله على كل المشاريف ظافي
ثم نزل على السناعيس مثل شختور *** وابن زويمل شاله السيل طافي
والغافلات اللي فات لهن دور *** حنت ولا تالي حنينه عوافي


فلو كان عبيد يقدر لساجر ما كان بلس عليه وساجر ما كان بحايل هو بالقصيم وارتحل من حايل بسبب مشاكل مع خواله

وهو اختار عرعر لموقعها الاسترتيجي فهي بين نجد والعراق والشام وكان يغزي على جميع تلك المناطق ومعروفه ( سيله على كل المشاريف ضافي ) اخبارة وخصوصا عند شمر واذا زعلوا على واحد قالوا له ياعلّك للرفدي ومذكور بقصيدة عدوان الهربيد والمعرف لا يعرف لكن يوم التبس الموضوع بينت