بن فطيس..والعيد..

[الوضحه]

المبدع ..

المحيط الهادي..

محمد بن فطيس..والعيد..

فات عيد الفطر ما شفت البعيد = وعيد الأضحـــى فــات مثله مثل إخيه
شفت في عيد الفطر حزن فريد= وشفت في الأضحى الحزن أمه وإبيه
فاتت أعياد السنه ذي عيد عيد= والشقي يــاكــل من الحسـره يـديـه
مابقى للصبر في صدري رصيد = وكـــل بيت قـد كتبتــه حــزن فيــه
دام ما للعمر من يضمن مزيــد = يــا نجــوم الليــل عنــــي عــايـديــه
قولي إن صويحبك عقبك وحيد = قــولــي إن النــوم عيــا لا يجيـــــــه
قولي إنه حــرم اللبـس الجديد = وقولي إنــه مـا نسـى العهد وعليـه
وقولي إن الحال ينقص ما يزيد = والسبــب كثــر انتظــــــاره علميـــه
الانتظار أشد من سجن الحديد = احتريـــه الصبـــح والليـــل احتـريـــه
قولي إن العيــد كلن بـه سعيد = كــــود مــن خلـــــه بعيــد و يرتجيــه
أبعده عني ضحى العيد الجديد = وإن فهـم مـــاهي غريـبه من نبيـــه
عيده مبـــــارك إلى يوم الوعيد = خــــاف ياتي عيد ما اعــايده فيـــه

وسوالم